桑园试妻歌词

作词 : 张金华收集整理
回家转，步冲冲，秋云回家猛如龙，一脚跨入家堂上，人群挤挤喜洋洋，男女出入齐涌动，独系唔见我妻在家中。
母：仔呀，你个妻房真冇用。我从头一二来讲你听，自从你求名去上京，家务唔理系我担承，一日两餐系常规事，因何猫饭偷吃埋，家庭一切佢又唔去做，手揸火棍打家婆，打穿我个头唔在讲，还话将我揽落塘。仔呀，阿嫂做人性情硬，但凡做事起恃及横行，贪图去桑园采桑爽，实在想去望情郎。该好龙床佢唔睡，山头塱尾去搵床眠，使佢去东佢又去西，东南西北去搵生涯，好处唔埋丑处泊，使佢唔听甚过为，好路唔行行路仔，伶俐阿嫂又变呆。
古典木鱼
搜集整理者：张金华