引路人歌词

作词 : 吴子齐
作曲 : 吴子齐/陈君祺


山 海 生份的所在
风 雨 恁对佗位来
日 月 交替了几摆
你 我 敢有熟似

一间窑房 看见蒙正的慧眼 （亲像火焰）
一寡什细 陪著连生中状元 （一生圆满）
两只蝴蝶 飞过墓埕的怨叹 （伫天顶相等）
偌济时间 戏弄五娘佮陈三 （予故事流传）

我偷偷仔共你讲 已经烌去的过往
（敢若捌听过的声 血脉拢藏伫遐 铰袂断的线 继续弹）
我偷偷仔共你讲 伤过虚华的理想
（敢若捌看过的影 灵魂拢寄伫遐 裂袂碎的纸 继续写）
我偷偷仔共你讲 亲像雺雾的故乡
（敢若捌唱过的歌 基因拢藏伫遐 缘分拍的结 继续捍）
我偷偷仔共你讲 犹未完成的愿望
（敢若捌算过的卦 生死拢寄伫遐 命运这出戏 继续搬）